Brudavolltunet er forholdsvis lite endra sidan første halvdel av 1800-talet. Her finn du både idyllisk fred og ro i tun og hage, og gjenstandar og hus som vitnar om harde tak i kampen for føda. Her er 6 bygningar med stort og smått: Våningshus med loft, kårstove med eldhus, stabbur, freda grindløde med fjøsar, truskarhjulhus med mura vassrenne, og ei gardssmie. Og ei interessant gardshistorie. Tunet ligg høgt og sydvendt ved Høgebrua om lag fem kilometer frå Ørsta sentrum i retning Sæbø.